Абураная гамяльчанка: Бацька ваяваў з фашызмам, а тут зноў прыйшоў фашыст
39- 19.02.2017, 17:22
- 22,807
Марш у Гомелі паказаў, што беларусы сапраўды дайшлі да «пункта кіпення».
Карэспандэнт «Белсату» пацікавіўся ў жыхаркі Гомеля, чаму яна сёння выйшла на акцыю пратэсту.
- Раскажыце, чаму вы сёння выйшлі на Марш?
- Як чаму? Дзеці беспрацоўныя, я ў свой час таксама без працы засталася – выкінулі на вуліцу, вымушана дзе папала працаваць, прыбіральшчыцай і кім заўгодна. Зарабіла пенсію такую мінімальную, што цяпер за кватэру аддай – і на жыццё не застаецца.
І дзеці, адзін інстытут скончыў, іншы рабацяга – яны без працы. Яны ўсе «дармаеды». За гэта я іду. За што мой бацька ваяваў з фашызмам? А тут прыходзіць фашыст зноў праз 75 гадоў!
За што мой бацька пад кулямі быў і інвалідам прыйшоў? Каб яго дзеці і ўнукі так жылі?
Мы зарабілі сваё, па 41 годзе адпрацавалі. Надакучыла!
- Як вы лічыце, што павінны зрабіць беларускія ўлады?
- Я гэтых «уладаў» не хачу нават ведаць! Я і тэлевізар не ўключаю. Беларускія каналы не гляджу ніколі: адны толькі іх морды чырвоныя і на сходах спяць.
Нагадаем, што сёння на акцыю пратэсту ў Гомелі выйшлі некалькі тысяч чалавек.