Блогер Максім Філіповіч: 17 лютага Менск даў штуршок усёй краіне
5- 19.02.2017, 18:57
- 25,404
Беларусы будуць аб'ядноўвацца, і, урэшце, сістэма, якая не дае нам нармальна жыць будзе зрынутая.
З кожным разам людзей на масавых акцыях пратэсту ў Беларусі будзе ўсё больш і больш.
Пра гэта журналісту «Радыё Свабода» заявіў вядомы блогер з Гомеля Максім Філіповіч, які таксама браў сёння ўдзел у шматтысячнай акцыі пратэсту ў родным горадзе:
- Выключна станоўчыя эмоцыі ад акцыі. Малайцы людзі! Я сапраўды ганаруся беларускім народам. Людзей сёння было блізу трох тысяч. Беларусы перасталі баяцца.
Калі людзям залазіць ужо не двума, трыма рукамі ў кішэні і перашкаджаюць свабодна жыць, яны перастаюць баяцца.
Менск 17 лютага даў вельмі добры штуршок. Многія былі проста ў захапленні, бачачы Менск. І малайцы! І гэта добра. З кожным разам людзей на акцыях будзе ўсё больш і больш. Гэта наша зямля!
Годна не даюць жыць ужо не толькі пэўным групам грамадзян – гаворка ідзе ўжо пра ўвесь беларускі народ.
Я думаю, што людзі будуць усё больш і больш аб'ядноўвацца і сістэма, якая нас прыніжае, якая парушае нашы правы, не дае нам жыць, урэшце будзе зрынутая.
Онлайн-рэпартаж са шматтысячнай акцыяй пратэсту ў Гомелі праводзіў сайт Charter97.org.