Бразілец Нівалда падпісаў кантракт з «Гомелем»

Кантракт з бразільскім футбалістам разлічаны на адзін год.

«Гомель» падпісаў кантракт з бразільскім паўабаронцам Нівалда. Кантракт разлічаны на 1 год, паведамляе афіцыйны сайт клуба.

Апошнім клубам футбаліста быў краснаярскі «Енісей». У 2016 годзе ён правёў за гэтую каманду 12 матчаў. З 2014 да 2016 года Нівалда выступаў за «Прамень-Энергію» з Уладзівастока, забіў 8 мячоў у 59 гульнях.

Таксама ў кар'еры 28-гадовага паўабаронцы значацца: расейская «Сібір», казахстанскі «Атыраў», бразільскія клубы «Алекрын» і «Бараўнас».