У Беларусі заблакавалі Луркамор’е

Карыстальнікі паведамляюць пра блакаванне ў Беларусі папулярнага расейскага інтэрнэт-рэсурсу Луркамор’е (Лурк, lurkmore.to).

Пры спробе адкрыць сайт карыстальнікі бачаць паведамленне, што «доступ да гэтага інтэрнэт-рэсурсу абмежаваны» (скрыншот зроблены ў сетцы velcom), піша tut.by.

Пункт 8 Указа Лукашэнка №60 гучыць наступным чынам:

Пастаўшчыкі інтэрнэт-паслуг на запыт карыстальнікаў інтэрнэт-паслуг аказваюць паслугі ў абмежаванні доступу гэтых карыстальнікаў да інфармацыі, змест якой накіраваны на:

ажыццяўленне экстрэмісцкай дзейнасці;

незаконны зварот зброі, боепрыпасаў, выбуховых прыладаў, выбуховых, радыеактыўных, атрутных, моцнадзейных, атрутных, таксічных рэчываў, наркатычных сродкаў, псіхатропных рэчываў, іх прэкурсораў і аналагаў;

садзейнічанне незаконнай міграцыі і гандлю людзьмі;

распаўсюджванне парнаграфічных матэрыялаў;

прапаганду гвалту, жорсткасці і іншых дзеянняў, забароненых заканадаўствам.

Абаненты МТС і ByFly бачаць наступнае паведамленне:

Адзначым, што працэс блакавання сайта можа займаць да сутак у розных інтэрнэт-правайдараў.

Як паведамляе Вікіпедыя, інтэрнэт-сайт Луркамор’е – нефармальная, нефарматная, фрывольная і гумарыстычная інтэрнэт-энцыклапедыя на рухавічку MediaWiki, пазіцыянуе сябе як «энцыклапедыя сучаснай культуры, фальклору і субкультураў, а таксама ўсяго астатняга».

Артыкулы Луркамор’я напісаныя на жаргоне, які складаецца з інтэрнэт-мемаў, і ў асноўным апісваюць з'явы, падзеі і асобаў, звязаных з сучаснай папулярнай культурай.