ХДС вылучыла Мэркель на пасаду канцлеркі Нямеччыны

Дэлегаты ХДС з Мекленбурга - Пярэдняя Памеранія выбралі Ангелу Мэркель лідарам перадвыбарчага спісу на восеньскіх выбарах у бундэстаг.

Ангела Мэркель (Angela Merkel) пераважнай большасцю галасоў абраная лідарам перадвыбарчага спісу партыі Хрысціянска-дэмакратычны саюз (ХДС) у зямлі Мекленбург - Пярэдняя Памеранія на вераснёўскіх выбарах у бундэстаг. За кіраўніцу ўрада і старшыню ХДС у суботу, 25 лютага, прагаласавалі 95 адсоткаў дэлегатаў, паведамляе DW.

Менавіта ў Мекленбургу - Пярэдняй Памераніі знаходзіцца выбарчая акруга Ангелы Мэркель, якая ахоплівае гарады Штральзунд, Грэйфсвальд і востраў Руген. Ангела Мэркель упершыню ўзяла ўдзел у выбарах у бундэстаг ад гэтай акругі ў 1990 годзе, неўзабаве пасля таго, як на гэтыя тэрыторыі была распаўсюджаная выбарчая сістэма ФРГ, і з таго часу вылучаецца ад яго кожныя чатыры гады. Выбары 2017 года будуць яе восьмы выбарчай кампаніяй у гэтым рэгіёне.

Небяспечны апанент

Пасля таго як Марцін Шульц (Martin Schulz) стаў кандыдатам на пасаду федэральнага канцлера Нямеччыны ад Сацыял-дэмакратычнай партыі (СДПГ), рэйтынгі сацыял-дэмакратаў няўхільна растуць. У канцы лютага сацыял-дэмакраты ўпершыню з кастрычніка 2006 года абагналі сваіх канкурэнтаў з блока ХДС і ХСС у рэйтынгу папулярнасці.

У сваёй суботняй прамове ў Штральзунд Ангела Мэркель заявіла, што пакуль іншыя партыі б'юцца за права размеркавання бюджэтных грошай, ХДС разважае пра тое, як папоўніць бюджэт, напрыклад, як прыцягнуць падатковыя паступленні.