Жыхары Століншчыны везлі ў Беларусь больш за дзве тоны ўкраінскага сала

Гружаны салам Уазік памежнікі шукалі з дапамогай балотахода.

Незаконнае перамяшчэнне праз мяжу больш за дзве тоны сала прадухілілі супрацоўнікі Пінскага памежнага атрада.

Як паведаміла прэс-служба Дзяржаўнага памежнага камітэта, падчас патрулявання мясцовасці на балотаходзе паблізу вёскі Кашара былі выяўленыя сляды аўтамабіляў, якія вядуць у кірунку мяжы з Украінай.

Пры адпрацоўцы маршруту парушальнікаў памежнікі ў выніку пераследу затрымалі гружаны УАЗ пад кіраваннем 58-гадовага жыхара Столінскага раёна. Падчас агляду памежнай паласы выяўленыя прыкметы перагрузкі праз мяжу з украінскага боку і месца развароту яшчэ аднаго аўтамабіля.

У выніку пошуку і пераследу неўзабаве быў затрыманы пазадарожнік Opel Monterey, у якім знаходзілася двое жыхароў Століншчыны. Маладыя людзі таксама перавозілі сала без якіх-небудзь дакументаў.

У агульнай складанасці пінскія памежнікі канфіскавалі ў кантрабандыстаў 63 мяшкі, у якіх знаходзілася 2,2 тоны свінога сала. Паводле гэтага факту праводзіцца праверка, па заканчэнні якой будзе ўстаноўлена мера адказнасці грамадзян.