Амаль палова беларусаў заляпляе вэб-камеры ізастужкай
37- 7.02.2017, 14:25
- 31,480
Беларусы не давяраюць бяспецы інтэрнэту.
Згодна з праведзеным у снежні 2016 года апытаннем, 48% інтэрнэт-карыстальнікаў з Беларусі заляпляюць ізастужкай вэб-камеры, баючыся ўзлому прылад. У апытанні ўдзельнічалі ўладальнікі як убудаваных, так і вонкавых прылад. Яны выбіралі прыдатны варыянт адказу на пытанне «Ці асцерагаецеся вы ўзлому вэб-камеры?», піша onliner.by.
24% удзельнікаў апытання антывіруснай кампаніі ESET прызнаюць, што ўзлом чужой вэб-камеры - рэальнасць. Аднак гэтая пагроза іх асабліва не турбуе: яны выбралі варыянт адказу «Мяне абароніць антывірус». 18% беларусаў асцерагаюцца за вэб-камеры, бо не сумняваюцца ў кваліфікацыі хакераў, 10% рэспандэнтаў пагрозу відавочна недаацэньваюць.
6% рэспандэнтаў выбралі адказ «Не, я ж не знакамітасць», а 10% перакананыя, што дыстанцыйны ўзлом камеры - проста выдумкі.