Генадзь Фядыніч атрымаў прэмію «Рыцар года»
8- 1.03.2017, 14:40
- 28,418
Прэмія імя Юрыя Захаранкі прысуджаецца за праяўленне смеласці, волі і самаахвярнасці.
1 сакавіка грамадскі рух імя Юрыя Захаранкі «Абаронцы Айчыны» назваў лаўрэата штогадовай прэміі «Рыцар года: з адкрытым забралам», паведамляе «Беларуская праўда».
Ім стаў старшыня Беларускага прафзвязу работнікаў радыёэлектроннай прамысловасці (РЭП) Генадзь Фядыніч.
Прэмія імя Юрыя Захаранкі прысуджаецца лаўрэату за праяўленне ім смеласці, волі і самаахвярнасці ў барацьбе за адраджэнне свабоды і дэмакратыі ў Беларусі.
Раней лаўрэатамі прэміі «Рыцар года: з адкрытым забралам» станавіліся:
дэпутат «палаты прадстаўнікоў», генерал Узброеных сіл Валерый Фралоў (2004);
праваабаронца, сябра БХК Гары Паганяйла (2005 г);
экс-кандыдат у прэзідэнты Рэспублікі Беларусь, палітвязень Аляксандр Казулін (2006);
прадпрымальнік, ветэран вайны ў Афганістане, палітвязень Мікалай Аўтуховіч (2007);
вядомы журналіст, публіцыст і аўтар больш чым дваццаці кніг пра сучаснае жыццё Беларусі Аляксандр Тамковіч (2008),
грамадскі дзеяч, ветэран вайны ў Афганістане Аляксандр Камароўскі (2009);
экс-кандыдат у прэзідэнты Рэспублікі Беларусь, паэт Уладзімір Някляеў (2010);
экс-кандыдат у прэзідэнты Рэспублікі Беларусь, палітвязень Мікалай Статкевіч (2011);
праваабаронца, кіраўніца Беларускага дакументацыйнага цэнтра Раіса Міхайлоўская (2012),
старшыня рады нацыянальнага адраджэння Беларусі, ветэран вайны ў Афганістане Уладзімір Барадач (2013 года);
журналіст газеты «Новы час», вядомы палітычны блогер, Дзмітрый Галко (2014);
«Рыцарам года» за 2015 год быў абвешчаны экс-суддзя Канстытуцыйнага суда Міхаіл Пастухоў.