Паклонская прапанавала даваць грамадзянства РФ «паводле прынцыпу глебы»

Праект закону ўжо зарэгістраваны ў расейскай Дзярждуме.

Дэпутаты Канстанцін Затулін і Наталля Паклонская ўнеслі ў Дзярждуму РФ законапраект, які прадугледжвае ўвядзенне новага прынцыпу атрымання расейскага грамадзянства.

Пра гэта РІА Новости паведаміў намеснік старшыні камітэта Дзярждумы ў справах нацыянальнасцяў Руслан Бальбэк.

«У выпадку прыняцця гэтага закона, атрымаць грамадзянства Расейскай Федэрацыі можна будзе не толькі паводле прынцыпу крыві, сваяцтва, але і паводле прынцыпу глебы», — распавёў Бальбэк.

Праект закону ўжо зарэгістраваны ў Дзярждуме. Ён атрымаў станоўчае выснову камітэта ў справах нацыянальнасцяў.

Згодна з дзейным заканадаўствам, атрымаць расейскае грамадзянства на падставе «права глебы» могуць дзеці, якія нарадзіліся на тэрыторыі Расеі, чые бацькі не маюць грамадзянства або замежныя грамадзяне, якім дзяржавы не даюць грамадзянства па нараджэнні.