У Бабруйску людзі выйшлі на плошчу
5- 26.03.2017, 13:03
- 27,613
(абноўлена) Былі затрыманыя больш за 15 чалавек, у тым ліку журналісты.
У Бабруйску пайшла зачыстка квартала, дзе збіраліся праводзіць акцыю пратэсту, паведамляе «Свабода».
Міліцыянты выцягвалі людзей з кавярняў, забіралі тых, хто проста шпацыраваў. Затрыманыя больш за 15 чалавек, перадае праваабарончы цэнтр «Вясна» ў сваім твітэры.
Сярод затрыманых былі трое журналістаў.
Рэдактар «Бобруйского курьера» Анатоль Санаценка прыйшоў асвятляць мерапрыемствы. Там яго затрымалі АМАПаўцы і адправілі ў міліцэйскі аўтобус.
Таксама ў Бабруйску затрыманыя журналісты Андрэй Шобін і Віктар Масаловіч .