Жыхары Полацка выйшлі на вуліцу
1- 26.03.2017, 15:35
- 25,016
Некалькі дзясяткаў чалавек узялі ўдзел у акцыі ў гонар Дня Волі.
Пра гэта сайту Charter97.org паведаміў чытач.
На цэнтральнай плошчы горада сабралася блізу 30 чалавек. Вакол плошчы былі пасты ДАІ і патрулі міліцыі, а таксама людзі ў цывільным, якія здымалі ўсё на партатыўную відэакамеру. Над плошчай лунаў робат час ад часу, прыгналі аўтазак.
Людзі абмяркоўвалі свае праблемы: пенсіі, заробкі, беззаконне ў Менску і іншых гарадах (былі нават ўдзельнікі ўчорашніх падзеяў у Менску). Жанчына вельмі эмацыйна распавядала, як яе незаконна звольнілі з месца працы і аднялі прыёмных дзяцей без усякай пастановы суда і папярэджання: вярнулася дадому, а там нікога. Як яна абышла ўсе інстанцыі, але яе там не пачулі, нават у савеце міністраў.
Акцыя прайшла мірна, без затрыманняў. Не гледзячы на тое, што па дарозе на плошчу міліцыянты папярэджвалі: "сёння не пажадана знаходзіцца на плошчы, за несанкцыянаваны мітынг можна атрымаць штраф да 30 базавых адзінак".
Усе мірна абмеркавалі свае праблемы і разышліся пад 14:20
Сharter97.org вёў онлайн-трансляцыю з акцыі салідарнасці з затрыманымі ў Менску.
Нагадаем, што 25 сакавіка ў Менску ўлады выставілі супраць мірных дэманстрантаў тысячы супрацоўнікаў АМАПу.