У Віцебску больш за 100 чалавек выйшлі на Плошчу

На мітынгу ў гонар Дня Волі людзі патрабавалі «ўлады для народа».

Больш за 100 чалавек выйшлі сёння на мітынг, прысвечаны Дню Волі ў Віцебску.

Людзі трымалі плакаты "Не народ для ўлады, а ўлада для народа», абмяркоўвалі эканамічныя праблемы і палітычную абстаноўку ў краіне. У мітынгу ўдзельнічалі прыкладна 100 чалавек, паведамляе tut.by.

Як і ўчора да віцяблян выйшлі начальнік аддзела аховы правапарадку УУС Віцебскага аблвыканкама Аляксандр Каліноўскі і намеснік старшыні гарвыканкама Пётр Падгурскі. Яны папярэдзілі гараджан, што мерапрыемства на плошчы Перамогі не дазволена гарадской уладай, і прапанавалі ім разысціся. Падгурскі, як і напярэдадні, запрасіў ахвочых на гутарку ў гарвыканкам.

Сітуацыю кантралявалі супрацоўнікі міліцыі ў форме і цывільным. Каля плошчы Перамогі стаялі аўтазакі.

Падчас акцыі затрымалі праваабаронцу Паўла Левінава. Пазней гэта закранула і праваабаронцу Леаніда Свеціка.

Акрамя таго, 26 сакавіка ў Віцебску затрымалі журналіста Канстанціна Мардвінцава і актывістку Ірыну Траццякову.