У сеціве пачалася акцыя «Дзе Мікалай Статкевіч?»
66- 26.03.2017, 16:57
- 29,018
Грамадства патрабуе ад уладаў даць адказ на гэтае пытанне.
У «Фэйсбуку» і іншых сацыяльных сетках пачалі з'яўляцца фотаздымкі з партрэтамі аднаго з лідараў Беларускага нацыянальнага кангрэса Мікалая Статкевіча, якія знік больш за тры дні таму, паведамляе Charter97.org.
Фатаграфіі палітыка суправаджаюцца пытаннем «Дзе Мікалай Статкевіч?» і хэштэгам #whereisStatkevitch.
Нагадаем, што прызначаны БНК кіраўніком акцыі на Дзень Волі ў Менску Мікалай Статкевіч знік больш за тры дні таму. Беларуская міліцыя і спецслужбы заяўляюць, што нічога не ведаюць пра ягонае месцазнаходжанне. Жонка палітыка Марына Адамовіч сур'ёзна баіцца за жыццё мужа. Лідар грамадзянскай кампаніі «Еўрапейская Беларусь» Андрэй Саннікаў запатрабаваў ад беларускіх уладаў адказаць на пытанне, дзе знаходзіцца Мікалай Статкевіч.