У Беларусі прадаўжаюцца затрыманні журналістаў
5- 26.03.2017, 18:17
- 57,573
Некалькі журналістаў затрыманыя ў Менску і Бабруйску.
У Менску затрымалі журналістаў Аляксея Мінчонка і Алеся Залеўскага, якія супрацоўнічаюць з тэлеканалам «Белсат».
Пра гэта ў «Фэйсбуку» паведаміў супрацоўнік БАЖ Барыс Гарэцкі.
Паводле ягоных словаў, прэс-сакратар менскай міліцыі Аляксандр Ластоўскі заявіў, што «нічым дапамагчы не можа». Не выключана, што Мінчонак і Залеўскі будуць да заўтра за кратамі.
Паводле інфармацыі праваабаронцаў з «Вясны», у Бабруйску да затрыманых раней журналістаў далучыўся Віктар Качан.
Раней сілавікі затрымалі Анатоля Санаценку, Андрэя Шобіна і Віктара Масаловіча.