Хрушчова і маршала Ракасоўскага пазбавілі званняў ганаровага грамадзяніна Шчэціна
5- 29.03.2017, 10:30
- 18,234
Сем чалавек, у тым ліку Канстанціна Ракасоўскага, пазбавілі звання ганаровага грамадзяніна польскага горада Шчэцін.
Як паведамляе Gazeta Wyborcza, шчэцінскія дэпутаты пазбавілі гэтага звання «семярых камуністычных актывістаў і савецкіх камандзіраў».
Акрамя Ракасоўскага ў спіс трапілі Баляслаў Бяруць, Мікіта Хрушчоў, Уладзіслаў Гамулка, Павел Батаў, Уладзімір Джанджгава і Эдвард Асубка-Мараўскі.
Пастанову падрыхтаваў клуб дэпутатаў кіруючай партыі «Права і справядлівасць». Таксама дакумент падтрымалі чальцы апазіцыйнай «Грамадзянскай платформы».
У тлумачальнай запісцы гаворыцца, што звання ганаровых грамадзян вышэйзгаданым людзям у перыяд паміж 1945 і 1989 гадамі прысвойваліся «пад ціскам абставінаў і палітычнай атмасферы».