ЗША не ўрэзалі вайсковы бюджэт на дапамогу Украіне

Пасол Украіны ў ЗША зняпраўдзіў інфармацыі пра скарачэнне вайсковай дапамогі ягонай краіне.

Законапраект Палаты прадстаўнікоў ЗША, які прадугледжвае выдзяленне Украіне 150 млн дал. вайсковай дапамогі, толькі частка з зацверджаных раней 350 млн агульнай дапамогі ў бюджэце Пентагона, а астатняе будзе выдзелена пасля 1 кастрычніка 2017 года. Такое тлумачэнне даў у пятніцу ў Вашынгтоне, амбасадар Украіны ў ЗША Валерый Чалы, паведамляе Укрінформ.

«Існуе бюджэт 2017 года - дзейны акт, у якім вызначана 350 млн даляраў дапамогі (Украіне, - рэд.) у 2017 бюджэтным годзе. Далей (у заканадаўчым працэсе ЗША, - рэд.) прымаюцца акты імплементацыі гэтай пастановы. Тое, што разглядаецца цяпер - гэта 150 млн дал., якія будуць выдавацца да 1 кастрычніка гэтага года», - адзначыў украінскі дыпламат.

Астатнія сродкі з прадугледжаных 350 млн, з ягоных слоў, будуць паступаць пасля 1 кастрычніка. «Гэта значыць, гэтыя 350 млн (у абаронным бюджэце ЗША на падтрымку Украіны - рэд.) застаюцца. Таму гэта - тэхнічны пытанне, тут няма ніякіх зменаў у падыходах», - падкрэсліў амбасадар Украіны.

Разам з тым, ён звярнуў увагу на тое, што акрамя дапамогі з боку Пентагона, існуе яшчэ падтрымка Украіны ў праграмах Дзяржаўнага дэпартамента ЗША. Яны гэтак жа могуць расходавацца часткамі на працягу гэтага і наступнага гадоў. У гэтай сувязі прадстаўнік Украіны падкрэсліў важнасць таго, каб праграмы, якія забяспечваюцца гэтымі сродкамі, не запавольваліся.

«Усе лічбы трэба ўспрымаць праз разуменне працэсаў прыняцця пастаноў у Злучаных Штатах. Што ж тычыцца гэтага выпадку, клопатаў у нас пакуль няма», - адзначыў украінскі амбасадар.