У Нью-Ёрку выбралі найлепшыя аўтамабілі ў свеце
2- 12.04.2017, 17:55
- 12,575
На Мотаршоў у ЗША абвясцілі пераможцаў конкурсу «Сусветны аўтамабіль года».
Першае месца заняў красовер Jaguar F-Pace, які таксама ўзяў першы прыз у катэгорыі «Найлепшы дызайн».
За тытул «Сусветнага аўтамабіля года» Jaguar F-Pace змагаўся ў фінале яшчэ з двума ўседарожнікамі - Audi Q5 і Volkswagen Tiguan, а ў катэгорыі самых прыгожых аўтамабіляў брытанская мадэль перамагла кабрыялет Mercedes-Benz S-Class і красовер Toyota C-HR, піша tut.by.
Найлепшым гарадскім аўтамабілем года стаў электракар BMW i3, а ў катэгорыі «Найлепшы шыкоўны аўтамабіль года» перамог Mercedes-Benz E-Class, які змог у фінальным галасаванні абыйсці BMW 5-Series і Volvo S90/V90.
Найлепшым спартовым аўтамабіляў года стаў Porsche 718 Boxster/Cayman, які абышоў McLaren 570S і Audi R8 Spyder. Першы прыз у катэгорыі «самых экалагічных машын» атрымала «Таёта» Prius Prime.
Пераможцам папярэдняга «Сусветнага аўтамабіля года» стаў родстэр Mazda МX-5. Фіналістамі конкурсу таксама былі Audi A4, Mercedes-Benz GLC, Cadillac CT6, Mazda CX-3, Jaguar XE, Land Rover Discovery Sport.