Што зменіцца ў Беларусі ўжо заўтра
26- 30.04.2017, 10:08
- 14,182
Як травеньскія змены адаб'юцца на кашальках грамадзянаў.
У Беларусі з 1 траўня вырасце бюджэт пражытачнага мінімуму, услед за якім прыкладна на 3 рублі «павялічацца» аднаразовыя дапамогі пры нараджэнні дзяцей, а таксама мінімальныя спажывецкія бюджэты. З пачатку наступнага месяца таксама «вырастуць» мінімальныя працоўныя і сацыяльныя пенсіі і падаражэюць некаторыя маркі цыгарэт. Партал tut.by паглядзеў, як майскія змены адаб'юцца на нашых кашальках.
Вырастуць БПМ і аднаразовыя дапамогі на дзяцей
Бюджэт пражытачнага мінімуму з 1 траўня складзе 183 рубля 82 капейкі (цяпер — 180 рублёў 10 капеек). Ён будзе дзейнічаць да 31 ліпеня.
Аднаразовыя дапамогі пры нараджэнні дзяцей, якія залежаць ад гэтага паказчыка, з траўня таксама зменяцца. Да прыкладу, дапамога ў сувязі з нараджэннем першага дзіцяці складзе з 1 траўня 1 838,2 рубля (цяпер — 1801 рубля), а пры нараджэнні другога і наступных дзяцей — 2 573,48 рубля (цяпер — 2 521,4 рубля).
Аднаразовая дапамога жанчынам, якія сталі на ўлік у дзяржаўных арганізацыях аховы здароўя да 12-тыднёвага тэрміну цяжарнасці, вырасце з траўня да 183,82 (цяпер — 180,1 рубля).
А вось дапамогі на дзяцей да трох гадоў з 1 траўня ў Беларусі не будуць павышаць. Гэта звязана з тым, што сярэдні заробак за першы квартал зваліўся ў дачыненні да кастрычніка-снежня мінулага года.
Абноўленыя мінімальныя спажывецкія бюджэты
З 1 траўня зменяцца і сумы мінімальных спажывецкіх бюджэтаў. Гэта сума грошай, якая патрэбна на набор прадуктаў і рэчаў для задавальнення базавых патрэбаў аднаго чалавека.
Да прыкладу, для працаздольнага насельніцтва памер мінімальнага спажывецкага бюджэту вырас да 396,75 рубля. А для маладой сям'і з трох чалавек гэты паказчык з 1 траўня складзе 335,28 рубля.
Зменяцца мінімальныя працоўныя і сацыяльныя пенсіі
З траўня таксама падымуць мінімальныя працоўныя і сацыяльныя пенсіі. Гэтыя выплаты павялічацца прапарцыйна росту сумы БПМ.
Акрамя таго, з лютага вырастуць надбаўкі, павышэнні да пенсій і даплаты беларусам старэйшым за 75 гадоў. Да прыкладу, для тых, хто старэйшыя за 80 гадоў, штомесячная даплата да пенсіі цяпер будзе складаць 45,96 рубля ў месяц (25% БПМ).
Для наймальнікаў вырастуць адлічэнні на выплату запазычанасці ў заробках.
У Беларусі з 1 траўня павялічваецца абавязковая сума ўтрымання з наймальнікаў сродкаў для выплаты заробкаў. Пры разліку сродкаў на пагашэнне запазычанасці па зарплаце наймальнікам трэба будзе браніраваць на аднаго работніка суму ў 306,53 рубля. Гэтая сума складае 1,5 сумы БПМ для працаздольнага насельніцтва.
Падаражэюць некаторыя маркі цыгарэт
З 1 траўня ў Беларусі падаражэюць некаторыя маркі цыгарэт. Цэны падымуцца ад 3 да 5 капеек.
Нагадаем, беларускія тытунёвыя кампаніі могуць кожны месяц ўсталёўваць новыя максімальныя цэны на сваю прадукцыю.