«Народ пачынае верыць лядоўням, а не тэлевізарам»

1 траўня а 14.00 на Кастрычніцкай плошчы пачнецца акцыя з патрабаваннем паляпшэння жыцця працоўных і вызвалення палітвязняў.

«Белсат» сустрэў на адной са сталічных вуліц мін'ёна-палітолага.

«Гэта глупства, калі ўлады думаюць, што без Статкевіча народ не падымаецца сам. Народ пачаў верыць лядоўням, а не тэлевізарам», - кажа мужчына ў касцюме міньёна.

Нагадаем, што 29 красавіка стала вядома аб тым, што апазіцыйны палітык Мікалай Статкевіч знаходзіцца на Акрэсціна. Яго пасадзілі на 5 дзён. Мікалая Статкевіча шукалі 16 гадзін.

Статкевіч заклікаў беларусаў узяць удзел у акцыі на Кастрычніцкай плошчы ў Менску. Акцыя запланавана на 14:00.