Марыюпаль выйшаў на мітынг супраць «расейскага свету»

Мітынг «Марыюпаль - гэта Украіна» адбыўся ў цэнтры места, на Тэатральнай плошчы.

Пра гэта паведамляе мясцовае выданне 0629.

Паводле звестак выдання, сотні жыхароў горада прыйшлі на мітынг у вышыванках або з патрыятычнай сімволікай, каб публічна заявіць, што яны супраць маніпуляцый, якія праводзіць «Апазіцыйны блок» у Марыюпалі.

Мітынг пачаўся з выканання гімна Украіны. Удзельнікі адзначалі, што ніхто не замінае ім размаўляць на расейскай мове: ні дома, ні на дварэ, ні на працы.