Пуцін забараніў называць дзяцей лікамі і зняважлівымі словамі
33- 1.05.2017, 20:45
- 8,878
Прэзідэнт РФ падпісаў закон, паводле якога расейцам забараняецца даваць дзецям імёны ў выглядзе лічбаў і літарных абазначэнняў.
Закон прадугледжвае ўнясенне адпаведных паправак у артыкул 58 Сямейнага кодэкса і артыкул 18 закона «Аб актах грамадзянскага стану», паведамляе mk.ru.
Закон вызначае, што пры выбары бацькамі імя дзіцяці не дапускаецца выкарыстанне «лічбаў, літарна-лічбавых абазначэнняў, лічэбнікаў,сімвалаў і знакаў, якія не з'яўляюцца літарамі, за выключэннем знака «злучок», або іх любой камбінацыі альбо зняважлівых слоў, указанняў на рангі, пасады, тытулы».
Дакумент дазваляе даваць дзіцяці складаныя прозвішча - з прозвішчаў бацькі і маці ў выпадку іх адрозненняў. Пры гэтым складанае прозвішча можа складацца не больш чым з двух слоў, яно павінна быць аднолькавым для паўнакроўных братоў і сясцёр.