У суботу ў Беларусі будзе да 18 градусаў цяпла
1- 12.05.2017, 21:35
- 195,065
13 траўня ў Беларусі будзе зменлівая хмарнасць, пераважна без ападкаў.
Пра гэта агенцтву БелТА паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
Уночы і раніцай у асобных раёнах магчымы слабы туман. Вецер будзе ўсходні, 3-8 мэтраў на сэкунду, удзень на поўдні парывамі да 14 мэтраў на сэкунду.
Уначы слупок тэрмометра будзе паказваць ад 2 градусаў марозу да 4 градусаў цяпла, на паўднёвым захадзе - да 7 градусаў вышэй за нуль. Удзень прагназуецца +12...+ 18 градусаў.