Беларусь знізіла экспартныя падаткі на нафту і нафтапрадукты
1- 2.05.2017, 14:45
- 14,294
Стаўка экспартнага падатку на сырую нафту зніжаная да $84 за 1 тону.
Беларусь з 1 траўня знізіла экспартныя падаткі на нафту і нафтапрадукты, якія вывозяцца за межы мытнай тэрыторыі Еўразійскага эканамічнага саюза (ЕАЭС), паведаміла interfax.by прэс-служба ўрада.
Адпаведная пастанова змяшчаецца ў дакуменце саўміна ад 29 красавіка 2017 года N313.
Стаўка экспартнага падатку на сырую нафту зніжаная з $88,9 да $84 за 1 тону. Падатак на прамагонны бензін зніжаны з $48,8 да $46,2 за 1 тону, на таварны бензін - з $26,6 да $25,2 за 1 тону.
Падатак на лёгкія, сярэднія дыстыляты складзе $25,2 за 1 тону (быў $26,6). Такі ж падатак устаноўлены ў дачыненні да дызельнага паліва, бензолу, талуолу, ксілолу, змазачных і іншых аліваў.
У папярэдні раз стаўкі вывазных мытных падаткаў у дачыненні да сырой нафты і асобных катэгорый тавараў, выпрацаваных з нафты, змяняліся 1 красавіка. Тады яны таксама былі зніжаныя.