«КДБ перайшоў мяжу, народныя пратэсты могуць стаць некіраванымі»
22- 22.05.2017, 9:23
- 17,078
Абураным беларусам хутка не будзе чаго страчваць.
Пра гэта напісаў у «Фэйсбуку» паплечнік Мікалая Статкевіча ў Беларускай сацыял-дэмакратычнай партыі (Народная Грамада), паліттэхнолаг Сяргей Марцалеў, каментуючы заяву палітыка аб катаваннях Сяргея Кунцэвіча токам у СІЗА КДБ.
«КДБ перайшоў мяжу.
Тую чырвоную лінію, якую нам малявалі ў «амерыканцы». Майго паплечніка, Сяргея, катавалі ў турме электратокам.
Гэтыя спадары забыліся, што гвалт спараджае гвалт. Я бачыў настрой збітых на Дзень Волі. Пратэст можа стаць і некіруемым, калі страчваць ужо не будзе чаго», - напісаў Сяргей Марцалеў.