Пад Магілёвам ДАІ выцягнула кіроўцу праз лабавое шкло

Неадэкватная рэакцыя была выкліканая адмовай падаць дакументы.

Пра канфлікт паміж супрацоўнікамі ДАІ і кіроўцам «Опеля Амега» паведаміў «Вячэрні Магілёў», інспектары спынілі аўтамабіль недалёка ад могілак каля вёскі Галынец-1 у прыгарадзе Магілёва, піша nn.by.

Супрацоўнікі ДАІ запатрабавалі падаць дакументы, але кіроўца адмовіўся. Ён патлумачыў, што машына — ягоная асабістая ўласнасць. У выніку праваахоўнікі разбілі шкло ў аўтамабілі і выцягнулі кіроўцу праз лабавое шкло.

Кіроўцы ў выніку пасадзілі пад арышт на 25 дзён, а ягонага спадарожніка, які таксама знаходзіўся ў салоне, — на 15 дзён.