Па каго прыйшлі «дык дурні»
1- 26.05.2017, 20:39
- 14,503
За апошнія паўгода ў РФ «так дурні» правялі дзясяткі ператрусаў у дамах праваабаронцаў, апазіцыянераў і прадстаўнікоў творчых прафесій.
Некалькі дзён таму ў кватэры тэатральнага рэжысёра Кірыла Сярэбранікава прайшоў шматгадзінны ператрус. Афіцыйная прычына - расследаванне справы аб крадзяжы бюджэтных сродкаў агульнай сумай амаль 200 млн рублёў. Рэжысёра дапыталі ў якасці сведкі. Прычыну такога агрэсіўнага ўварвання ў сваю кватэру Сярэбранікаў не разумее. На пытанне актора Яўгена Міронава прэзідэнту РФ Пуціну, навошта было гэта рабіць, той адказаў: «дык дурні», піша «Радыё Свабода».
У крадзяжы падазраюць былога генеральнага дырэктара і галоўнага бухгалтара тэатральнай трупы «Сёмая студыя», заснаванай Кірылам Сярэбранікавым у 2012 годзе. У чацвер вечарам Юрыя Іціна, экс-гендырэктара трупы, адправілі пад хатні арышт, віну ён не прызнаў, заявіўшы, што калі і вінаваты, то толькі ў халатнасці. Ніна Масляева, галоўная бухгалтарка студыі, сваю віну ўжо прызнала, меру стрымання ёй будуць абіраць праз тры дні.
Гэтак жа ўчора ўвечары прыйшоў чарговы запыт на падачу дакументаў у кінакампанію рэжысёра Аляксея Учыцеля, якую правяраюць на запыт дэпутаткі Дзярждумы Наталлі Паклонскай. Запыты плодзяцца з абсалютна неймавернай хуткасцю, заявіў адвакат рэжысёра Канстанцін Дабрынін.
За апошнія паўгода ў Расе «дык дурні» правялі дзясяткі ператрусаў у дамах праваабаронцаў, апазіцыянераў і прадстаўнікоў творчых прафесій. Нярэдка прычынай ператрусу становіцца крымінальная справа дзесяцігадовай даўнасці, як у выпадку з Зояй Светавай, у якой шукалі дакументы паводле справы ЮКАСа. Гісторыя Сярэбранікава зноў прадэманстравала, што наведацца дадому без папярэджання могуць, нават калі чалавек выступае ў справе ўсяго толькі ў якасці сведкі.