Фотафакт: Мянчук выгульвае ў парку варону
11- 29.05.2017, 11:25
- 17,745
Жыхар сталіцы прыцягнуў увагу сваім незвычайным гадаванцам.
Учора менскі краязнаўца Вадзім Зелянкоў размясціў у сябе на старонцы ў фэйсбуку цікавую фатаграфію - мянчук выгульвае ў парку варону. Прыгледзьцеся: за дрэвам віднеецца белая клетка, піша citydog.by.
- Зрабіў гэта фота 7 траўня. Але месца не выдам: навошта невядомаму мужчыну і ягонай вароне гледачы?
Як кажуць спецыялісты, варона моцна прывязваецца да чалавека, асабліва калі птушка трапіла да яго птушанём-падлеткам. Але абаронцы жывёл і арнітолагі просяць: калі вы ўбачылі птушаня, якое выпала з гнязда, не чапайце яго (і тым больш не забірайце сабе), інакш яго маці проста не падляціць да яго і птушаня загіне.