Лукашэнка падтрымаў ідэю Шуневіча шыць хакейную форму ў турмах
84- 31.05.2017, 8:14
- 37,734
Кіраўнік МУС таксама паабяцаў дыктатару рабіць сіламі зняволеных і канькі.
Лукашэнка на алімпійскім сходзе распавёў пра спосабы развязання праблемы з інвентаром у дзіцячых спартыўных школах, якія прапанаваў міністр унутраных спраў Ігар Шуневіч, паведамляе тэлеканал АНТ.
- З інвентаром? Як быццам самая вялікая праблема! Хоць і не гэта праблема. Калі пачалі гэты хакей абмяркоўваць, падымаецца міністр унутраных спраў і кажа: «Аляксандр Рыгоравіч, а што за праблема? Скажыце, дайце мне заданне. Мы ў папраўчых установах... Для дзяцей. - Ну, хакеісты ў нас ганарыстыя, там «Найк» купім і канькі, і штаны. - А ўсё астатняе мы сшыем. І штаны, і нават канькі зробім».
І ён мае рацыю. Што, для дзетак там форму не сшыюць? Прытым для любога віду спорту. І грошы застануцца ў нас, і капейкі гэта будзе каштаваць. Трэба купіць нейкі станок, у нейкія ўстановы? Ну давайце купім яго! Але гэтым ніхто не займаўся, - сказаў Аляксандр Лукашэнка.
Нагадаем, што нядаўна Лукашэнка паскардзіўся на тое, што яму самому даводзіцца шыць форму для беларускіх хакеістаў.