Кантрабандысты з Беларусі пры затрыманні таранілі аўтамабіль расейскага САХР
44- 18.06.2017, 13:52
- 18,373
30 грузавікоў з санкцыйнай прадукцыяй былі затрыманыя мытнікамі ў ноч на 16 чэрвеня недалёка ад Вязьмы (Смаленская вобласць РФ).
Фуры ўвозілі ў Расею польскія яблыкі і грушы пад выглядам крухмалу, піша «МК».
Пры затрыманні адзін з кіроўцаў спрабаваў схавацца і накіраваў свой аўтамабіль у бок мяжы з Беларуссю.
Падчас пагоні ён тараніў аўтамабіль САХР, які пераследаваў ягоную машыну. Цяпер кіроўца фуры затрыманы, распачатая крымінальная справа паводле артыкула 318 КК РФ «Ужыванне гвалту ў дачыненні да прадстаўніка ўлады».
Санкцыйная прадукцыя прызначалася для маскоўскіх аптовых рынкаў. Затрыманыя грузавікі знаходзяцца на штрафстаянцы, следчыя высвятляюць прыналежнасць грузу.