Тры беларусы сталі ахвярамі чорных трансплантолагаў з Косава

Сталі вядомыя падрабязнасці гучнай справы чорных трансплантолагаў з Косава, ахвярамі якіх сталі беларусы.

Падрабязнасці гучнай справы чорных трансплантолагаў з Косава, ахвярамі якіх сталі беларусы, агучаны ў вячэрнім эфіры тэлеканала «Сталічнае тэлебачанне», паведамляе БелТА.

У 2008 годзе ў Косаве была раскрытая злачынная схема продажу донарскіх органаў. Завербаваным стаў і адзін беларус. Чорныя трансплантолагі абяцалі $ 10 тыс. за аперацыю, аднак у факце плацілі толькі $ 7 тыс. Астатняе абяцалі вярнуць пасля таго, як донар прывядзе яшчэ аднаго ахвотнага легчы на аперацыйны стол.

Аперацыі праводзіліся няякасна. Як вынік – у донараў заставаліся шматлікія шнары, а пасля з'яўляліся праблемы са здароўем.

У галоўнай управе барацьбы з арганізаванай злачыннасцю і карупцыяй МУС Беларусі супольна з калегамі з Украіны і Ізраіля працавалі над гэтай рэзананснай справай. Усяго тры грамадзяніны Беларусі сталі ахвярамі чорных трансплантолагаў. Аднаго прааперавалі ў Косаве, другога ў Эквадоры, трэцяга – у Кіеве.

Характэрна, што ніхто з грамадзянаў Беларусі востра не меў патрэбы ў грошах. Хтосьці расплаціўся ныркай за вяселле і два тыдні адпачынку ў Егіпце, нехта за яе набыў скутар і ноўтбук. У выпадку з беларусамі асноўнай матывацыяй было не зарабіць як мага больш грошай, а хутчэй, уцячы ад руціны.

Пасля Косава гучных справаў з удзелам беларусаў не было.

Як адзначылі ў сюжэце, на прасторах інтэрнэту ходзіць нямала аб'яваў ад ахвотных прадаць ныркі за грошы. Адрасанты не з беларускай прапіскай, гаворка пра іншыя краіны. У Беларусі ўсё, што тычыцца камерцыялізацыі працэсу абмену органамі, крымінальна караецца.

Дарэчы, канфіскаваны орган жыве мала: даўжэй за ўсё трымаецца нырка, а вось сэрца б'ецца максімум 8 гадзінаў.