У Кіеве мітрапаліт Кандрусевіч прывітаў новага біскупа - беларуса
1- 26.06.2017, 10:14
- 18,426
Новы біскуп стаў чацвёртым іерархам, якія скончылі Гарадзенскую вышэйшую духоўную семінарыю.
У Кіеве ў Кафедральным касцёле святога Аляксандра 23 чэрвеня адбылося біскупскае пасвячэнне кс. Віталя Крывіцкага - выпускніка Гарадзенскай вышэйшай духоўнай семінарыі.
Удзел у святой Імшы і ўрачыстай цырымоніі прыняла беларуская дэлегацыя святароў на чале з мітрапалітам Тадэвушам Кандрусевічам і біскупам-памочнікам Менска-Магілёўскай архідыяцэзіі Аляксандрам Яшэўскім SDB, паведамляе catholic.by.
Новы біскуп стаў чацвёртым іерархам - пасля біскупаў Алега Буткевіча, Юрыя Касабуцкага і Іосіфа Станеўскага, - які вучыўся ў гэтай навучальнай установе.