Еўра паклаў рубель «на лапаткі» ў самым пачатку таргоў у Менску
3- 28.06.2017, 11:30
- 12,395
Еўрапейская валюта рванула ўверх, адразу падаражэўшы больш чым на 2%.
Амаль 1,14 даляраў за еўра - апошні раз еўрапейская валюта столькі каштавала ў жніўні мінулага года. Рост адбыўся на фоне ўчорашніх заяваў кіраўніка Еўрапейскага цэнтральнага банка Марыё Драгі. Ён упэўнена паведаміў аб тым, што Еўразона аднаўляецца і мацнее.
На Беларускай валютна-фондавай біржы даляр з раніцы вырас на 0,89 капейкі і пакуль каштуе 1,9338 беларускага рубля.
Еўра вырас на 4,45 капейкі. Яго кошт - 2,1984 беларускага рубля.
Расейскі рубель страціў 2,06 капейкі. Гандлюецца на ўзроўні 3,2465 беларускага рубля за сваю сотню.