Памёр экс-саліст «Иванушек International» Алег Якаўлеў
20- 29.06.2017, 10:01
- 16,857
Музыкант знаходзіўся ў рэанімацыі з двухбаковым запаленне лёгкiх.
Былы саліст гурту «Иванушки International» Алег Якаўлеў памёр раніцай 29 чэрвеня, паведаміла РІА «Новости» грамадзянская жонка артыста Аляксандра Куцавол.
«Сёння а 07:05 не стала галоўнага Мужчыны ў маім жыцці, майго анёла, майго Шчасця... Як жа я цяпер без цябе?.. Ляці, Алег! Я заўсёды з табой», - напісала яна ў Instagram.
Раней Куцавол паведаміла РІА «Новости», што Якаўлеў знаходзіцца ў цяжкім стане ў рэанімацыі, лекары дыягнаставалі ў яго двухбаковае запаленне лёгкіх.
Алег Якаўлеў спяваў у гурце з 1998 да 2013 года, а затым наважыў заняцца сольнай кар'ерай.