На будоўлі ў Гомелі загінуў рабочы
3- 26.07.2017, 15:44
- 10,213
Cтропальшчыка аўтакрана ток працяў падчас працы.
Здарэнне адбылося 25 ліпеня, пад 18.00, у абласным цэнтры. Падчас будаўнічых работ стропальшчыка аўтамабільнага крана ўдарыла токам - ад атрыманых траўмаў 65-гадовы мужчына загінуў на месцы, паведамілі tut.by ў прэс-службе «Гомельэнэрга».
Аўтакран не меў дазволу на работы ў ахоўнай зоне і наблізіўся на недапушчальную адлегласць да лініі электраперадачы для ўздыму бетоннага кола з калодзежа.