Тадэвуш Кандрусевіч узначаліў Імшу ў праваслаўным храме на Крыце
1- 15.08.2017, 11:49
- 13,044
Кіраўнік Каталіцкага касцёла Беларусі правёў службу нягледзячы на тое, што знаходзіцца ў адпачынку.
Мітрапаліт Менска-Магілёўскі арцыбіскуп Тадэвуш Кандрусевіч, які знаходзіцца на адпачынку ў Грэцыі на востраве Крыт, 13 жніўня служыў святую Імшу па рымска-каталіцкаму абраду ў праваслаўным храме святога Чаралямбаса ў горадзе Агіёс Ніколаас.
Святая Імша праводзілася на лацінскай і ангельскай мовах, паведамляе catholic.by.
У Агіёс Ніколаасе няма каталіцкай святыні, аднак Праваслаўная Царква якая дамінуе ў Грэцыі, дазваляе католікам, выкарыстоўваць царкву св. Чаралямбаса для набажэнстваў.
На востраве Крыт, дзе ў свой час прапаведаваў апостал Павел, служаць чацвёра каталіцкіх святароў з Польшчы.
Святар Марэк Высоцкі з Беластоцкай архідыяцэзіі запрасіў арцыбіскупа Кандрусевіча ўзначаліць Імшу, падчас якой Мітрапаліт звярнуўся з пропаведдзю да вернікаў на ангельскай мове.
Пасля набажэнства Мітрапаліт Кандрусевіч сустрэўся з вернікамі-турыстамі, якія зацікавіліся сітуацыяй Каталіцкага Касцёла ў Беларусі.