Лукашэнка: Каб да 1 верасня дзеці былі аднолькавыя
76- 15.08.2017, 12:19
- 85,592
Дыктатар распавёў пра сваю «формулу» падрыхтоўкі дзяцей да школы.
«Формула адна - каб 1 верасня дзеці былі аднолькавыя», - заявіў сёння Лукашэнка на рабочай сустрэчы з віцэ-прэм'ерам Васілём Жарко і міністрам адукацыі Ігарам Карпенкам, паведамляе прэс-служба кіраўніка Беларусі.
На сустрэчы абмяркоўваліся пытанні развіцця і ўдасканалення адукацыйнай сферы ў Беларусі.
Лукашэнка звярнуў увагу на падрыхтоўку да новага навучальнага года, правядзенне школьных кірмашоў.
- Формула адна - каб 1 верасня дзеці былі аднолькавыя. Не ў тым плане, што яны павінны быць адзетыя ў чорна-белыя фартушкі, гольфы або сукенкі. А каб не вылучаліся дзеці з сем'яў, якія не такія багатыя сёння. Мы павінны адзець годна да 1 верасня ўсіх дзетак, - падкрэсліў Лукашэнка.
Раней у МАРГ распавялі пра тое, якія сумы бацькам давядзецца выдаткаваць на збор дзяцей у школу. Паводле звестак ведамства, сёлета ў параўнанні з мінулым цэны на тавары школьнага асартыменту практычна не выраслі.
Сёлета «аптымальная экіпіроўка» (уключаючы адзенне, абутак, школьна-пісьмовыя прылады і канцтавары) будзе каштаваць бацькам вучняў малодшых (I-IV) класаў 142-678 рублёў (у тым ліку адзення і абутку на 110-429 рублёў), старэйшых (V-XI) - 199-760 рублёў (149-495 рублёў адпаведна).