Фотафакт: Як у Горадні выхоўвалі «аўтахама»

На вуліцы Дамброўскага вырашылі правучыць кіроўцу, які запаркаваўся насупраць смеццевых бакаў.

Заасфальтаваныя пляцоўкі каля смеццевых бакаў часта прыцягваюць увагу кіроўцаў - калі двары перапоўненыя, часам аўтамабілі паркуюць менавіта насупраць бакаў.

На вуліцы Дамброўскага такога паркоўшчыка наважылі правучыць работнікі САГа. Яны выставілі смеццевыя бакі так, каб кіроўца з'ехаў пасля невялікай працы, піша AutoGrodno.by.

- Выпадак адбыўся ў дзве гадзіны дня. Кіроўца Daewoo перашкодзіў камфортна пад'ехаць смеццявозу да кантэйнераў, цяпер кіроўцу перашкодзілі камфортна выехаць з пляцоўкі, - паведаміў аўтар фотаздымкаў Андрэй.