У Менску пачалася сустрэча Уолкера і Суркова
4- 21.08.2017, 15:31
- 20,532
Сустрэча праходзіць у закрытым для СМІ рэжыме.
Міністэрства замежных спраў Беларусі паведамляе аб сустрэчы ў гэтыя хвіліны ў Менску памочніка прэзідэнта Расеі Уладзіслава Суркова і спецпрадстаўніка ЗША аб Украіне Курта Уолкера, паведамляе «Інтэрфакс».
«Памочнік прэзідэнта Расеі Уладзіслаў Суркоў і спецпрадстаўнік ЗША аб Украіне Курт Уолкер сустракаюцца ў Менску ў закрытым для СМІ рэжыме», - гаворыцца ў паведамленні МЗС Беларусі ў Tвітэры.
Раней міністэрства замежных спраў Беларусі пацвердзіла сустрэчу спецпрадстаўніка ЗША аб Украіне К. Уолкера і памочніка прэзідэнта Расеі В. Суркова ў Менску ў панядзелак. «Сустрэча пройдзе сёння ў Менску ў закрытым для СМІ рэжыме», - паведаміў агенцтву «Інтэрфакс-Захад» начальнік управы інфармацыі - прэс-сакратар МЗС Дзмітрый Мірончык.
Як паведаміў 18 жніўня Дзярждэпартамент ЗША, спецпрадстаўнік ЗША што да ўкраінскіх перамоваў К. Уолкер адправіцца 21 жніўня ў Менск, дзе сустрэнецца з прадстаўніком расейскага ўрада для абмеркавання расейска-ўкраінскіх дачыненняў.