Навукоўцы давялі, што здароўе наўпрост залежыць ад наяўнасці сяброў дзяцінства

Моцная дружба дапамагае падлеткам будаваць шчаслівае дарослае жыццё.

Навукоўцы з Універсітэта Вірджыніі давялі, што дзіцячае сяброўства станоўча ўплывае на ўсё далейшае жыццё чалавека, з прычыны чаго ён вырастае больш шчаслівым і здаровым, чым адзіночкі, паведамляе Child Development.

Даследчыкі назіралі за групай падлеткаў цягам 10 гадоў - з 15- да 25-гадовага ўзросту. Яны выявілі, што падлеткі, якія маюць блізкіх сяброў у 15-гадовым узросце, адчувалі менш сацыяльнай турботы, у іх было павышанае пачуццё ўласнай годнасці і менш сімптомаў дэпрэсіі да дасягнення 25-гадовага ўзросту.

Наяўнасць моцных сяброўскіх стасункаў падтрымлівае пазітыўныя пачуцці ў той момант, калі асоба падлетка пачынае фармавацца. Гэта асабліва важна ў эпоху тэхналогій, калі дзеці аддаюць перавагу кантактаваць у сацсетках, мяркуе суаўтар даследавання Джозэф Ален, прафесар псіхалогіі.