У Пецярбургу ў беларуса скралі Range Rover за 100 тысяч даляраў
18- 30.08.2017, 19:04
- 41,798
Дарагое аўто скралі прама з паркоўкі каля супермаркета.
У Пецярбургу ўвечары 29 жніўня на паркоўцы ГЦ «Мега Парнас» у беларуса скралі Range Rover. Яго кошт - блізу 100 тысяч даляраў, паведамляюць «Кіроўцы Пецярбурга».
Як стала вядома, скрадзены чорны Land Rover Range належыць 51-гадоваму генеральнаму дырэктару будаўнічай фірмы.
Кошт аўтамабіля 2014 года выпуску - блізу 6 млн расейскіх рублёў (блізу 100 тысяч даляраў). Акрамя таго, аўтамабіль быў набыты ў крэдыт, штомесячныя плацяжы па якому складаюць 60 тысяч расейскіх рублёў (блізу тысячы даляраў). Гаспадару аўто заставалася выплаціць блізу 20 тысяч даляраў. Машына застрахаваная па КАСКО і абсталяваная сістэмай супраць крадзяжу.
Са слоў гаспадара транспартнага сродку, ён прыпаркаваў аўтамабіль побач з мегамаркетам і адправіўся за пакупкамі. Калі ён выйшаў, то не выявіў свайго пазадарожніка на паркоўцы. Праваахоўныя органы шукаюць скрадзены Range Rover.