«У народзе можа і палыхнуць на гэтай глебе»

Падвышэнне камунальных паслуг «падцепліць» восеньскія пратэсты ў Беларусі.

Чаму пытанне ЖКГ сапраўды з'яўляецца палітычна важным, высвятляла выданне «Завтра твоей страны».

У эфіры тэлеканала «Беларусь 1» прэзідэнт Еўрапейскага банка рэканструкцыі і развіцця Сума Чакрабарці пракаментаваў перавод беларусаў на 100-адсоткавую аплату ЖКП з 2018 года:

- Гэта сапраўды вельмі важны крок. Па-першае, гэта важна з пункту гледжання эканомікі. Гэта значыць, што грошы будуць расходавацца больш эфектыўна. Але гэта важна яшчэ і з палітычнага, і з сацыяльнай пункту гледжання, бо гэта дазваляе ўсвядоміць канчатковы сыход ад субсідавання ў сферы ЖКГ. У людзей фармуецца культура больш адказнага выкарыстання рэсурсаў: энэргіі, вады, цяпла. Таму што варта задумвацца аб кошце ўсяго гэтага.

- Пытанне камунальных аплат з'яўляецца досыць вострым ў палітычным плане. І Лукашэнка напэўна разумее гэта значна лепш, чым спадар Чакрабарці. Невыпадкова беларускі дыктатар гэтую тэму не аднойчы закранаў, і кожны раз выказваўся стрыманна. Крычаў на чыноўнікаў за тое, што яны задзіраюць тарыфы, устанаўліваў столь на пяць даляраў росту за год.

Праўда, на практыцы паводле падлікаў эканамістаў так не атрымлівалася, - кажа палітычны аглядальнік Аляксандр Класкоўскі.

Суразмоўца «Завтра твоей страны» нагадаў таксама аб безвыніковых перамовах з МВФ аб выдачы $3 млрд крэдыту, умовай якога таксама быў пераход да поўнай аплаты паслуг ЖКП насельніцтвам і спыненне крыжаванага субсідавання жыллёва-камунальнай гаспадаркі.

- За ўсім гэтым стаіць разуменне таго, што народ, груба кажучы, можа абурыцца на гэтай глебе. Тым больш, што вясновыя пратэсты «недармаедаў» узмацнілі гэтыя фобіі ўладаў.

Каб пазбегнуць росту пратэстных настрояў, улады будуць падвышаць кошты камунальных паслуг паступова, мяркуе экспэрт. Ён нагадаў, што з 1 студзеня 2018 года беларусы будуць аплачваць 100% за выключэннем цеплавой энэргіі на абаграванне.

Нагадаем, што «Марш абураных беларусаў 2.0» пройдзе ў Менску 21 кастрычніка. Акцыя пачнецца а 14:00 на Кастрычніцкай плошчы.