Віктар Ганчарэнка: Пасланне такое, што можна гуляць на роўных і з футбалістамі «МЮ»

Беларускі трэнер распавёў, як ягоная каманда рыхтуецца да матчу Лігі чэмпіёнаў.

Галоўны трэнер ЦСКА Віктар Ганчарэнка падзяліўся чаканнямі ад матчу з «Манчэстар Юнайтэд» у Лізе чэмпіёнаў, які адбудзецца 27 верасня, піша «Прессбол».

Зразумела, што «Манчэстар Юнайтэд» - фаварыт матчу. Але супраць кожнай каманды можна гуляць. Можна перамагаць, можна гуляць прыгожа. Выява гульні залежыць ад таго, з кім ты гуляеш. Можна паглядзець на тое, як той жа «Юнайтэд» будзе выглядаць у матчы з «Барсэлонай». Нам важна, каб мы далі правільнае пасланне камандзе. Калі будзем казаць пра тое, што гэта топ і перамагчы немагчыма, то з такім настроем і выйдзем на поле. Мы павінны разумець, што зробім усё магчымае, каб набраць балы. Пасланне такое, што можна гуляць на роўных і з гэтымі футбалістамі.

Нам нельга думаць пра тое, што мы зоймем першае, другое ці трэцяе месца ў групе ў Лізе чэмпіёнаў. Трэба рыхтавацца да кожнага асобнага матчу. Але, калі крыху забегчы наперад, на мой погляд, два самыя важныя матчы будуць з «Базэлем». Пасля іх застануцца два туры, і тады, думаю, сітуацыя ўжо будзе зразумелая. І заўсёды дапамагае, калі ёсць відавочны лідар, які набірае вельмі шмат балаў, - падае словы Ганчарэнкі championat.com са спасылкай на эфір праграмы «Пасля футбола».