Платных дарог стане больш

У Беларусі пашыраць сетку платных аўтамабільных дарог.

Рада міністраў 20 верасня зацвердзіла дзяржаўную праграму ў развіцці, утрыманні і рэканструкцыі аўтамабільных дарог на 2017-2020 гады, паведамляе ej.by.

У працэсе рэалізацыі дзяржаўнай праграмы ў краіне плануецца пашырыць сетку платных аўтамабільных дарог. Будзе ўведзеная плата за праезд транспартных сродкаў на ўсім працягу дарогі М-6/Е 28 Менск - Горадня - мяжа Рэспублікі Польшча (Брузгі) пасля яе рэканструкцыі і на ўчастку дарогі Р-28 Менск - Маладзечна - Нарач. Да 2021 году працягласць платных дарог складзе 1786 кіламетраў. За 2017 - 2020 гады ў рэспубліканскі бюджэт ад збірання платы за праезд па платных аўтамабільных дарогах чакаецца паступленне блізу 817 млн. рублёў, якія будуць накіраваныя на ўтрыманне, рамонт і развіццё рэспубліканскіх аўтамабільных дарог, у першую чаргу платных дарог