Віктар Лукашэнка ўбраўся на манеўры ў «форму ворага»
41- 21.09.2017, 16:59
- 76,462
Сын дыктатара фарсіў на палігоне пад Барысавам у амерыканскім камуфляжы.
У сераду, 20 верасня, скончыліся маштабныя вучэнні «Захад-2017». На палігон пад Барысавам прыехаў Аляксандр Лукашэнка, яго сустракаў старэйшы сын Віктар - ён памочнік дыктатара ў нацыянальнай бяспецы.
Форма Віктара Лукашэнкі моцна адрознівалася ад агульнапрынятай «лічбавай» формы беларускіх вайскоўцаў - у дробныя квадрацікі, яе прынялі ў 2009 годзе.
Карыстальнікі сацсетак пачалі гадаць: што за форма была на сыне Лукашэнкі?
Дасведчаныя людзі загадку разгадалі, піша kp.by. На Віктару Лукашэнку быў амерыканскі камуфляж A-TACS лінейкі FG - для лясной мясцовасці. Камуфляж прадэманстраваны ў 2011 годзе як навамоднае развязанне для воінскіх падраздзяленняў ЗША. Праўда, аматары страйкболу адзначылі незвычайны карычневы каўнер.