Прапраўнучка Мацільды Кшэсінскай увайшла ў балетную трупу Вялікага тэатра

Наталля Паклонскага будзе шакаваная.

У прэс-службе Вялікага тэатра паведамілі пра паступленне ў балетную трупу прапраўнучкі балерыны Мацільды Кшэсінскай, выпускніцы акадэміі расейскага балета ім. Ваганавай Элеаноры Севенард, паведамляе РІА «Новости».

Севенард удзельнічала ў спектаклях Марыінскага тэатра, гастролях тэатра ў Літве і Японіі, а таксама ў гала-канцэрце «Іконы рускага балета» ў Лондане і ў гала-шоў балетных школ ХХI стагоддзя ў Парыжы.

Севенард з'яўляецца ўладальніцай I прэміі Міжнароднага балетнага конкурсу «Vaganova - PRIX», першай прэміі III Усерасейскага конкурсу маладых выканаўцаў «Расейскі балет», прэміі Фонду Наталлі Дудзінскай і Канстанціна Сяргеева, а таксама лаўрэаткай агульнарасейскага конкурсу Мінкультуры «Маладыя таленты Расеі».

Нагадаем, што «экс-пракурорка Крыма», а цяпер дэпутатка Дзярждумы РФ Наталля Паклонская пачала маштабную кампанію за забарону да паказу фільма Аляксея Учыцеля «Мацільда» - пра раман расейскага імператара Мікалая II і балерыны Мацільды Кшэсінскай.