Прыход выбаршчыкаў на выбарах у бундэстаг Нямеччыны амаль такі ж, як у 2013 годзе

За чатыры гадзіны да закрыцця выбарчых участкаў прагаласавалі 41,1 адсотка выбаршчыкаў.

Прыход выбаршчыкаў на выбарах у бундэстаг, якія праходзяць у Нямеччыне ў нядзелю, 24 верасня, параўнальны з паказчыкам папярэдніх выбараў у 2013 годзе. Да 14-й гадзіны мясцовага часу (15 гадзін паводле Менску), гэта значыць, за чатыры гадзіны да закрыцця выбарчых участкаў прагаласавалі 41,1 адсотка выбаршчыкаў, паведаміў Федэральны ўпаўнаважаны ў правядзенні выбараў Дытэр Зарайтэр. Чатыры гады таму аналагічны паказчык быў роўны 41,4 адсотка галасоў, паведамляе «Нямецкая хваля».

Пры гэтым не ўлічваліся звесткі аб выбаршчыках, якія прагаласавалі загадзя праз пошту. Выбарчыя ўчасткі закрываюцца а 18 гадзіне (19 гадзін паводле Менску). Партыі, якія ўдзельнічаюць у выбарах, вядуць барацьбу за галасы выбаршчыкаў, якія яшчэ не вызначыліся, да апошняй хвіліны галасавання. У выбарах маюць права ўдзельнічаць блізу 61,5 мільёна немцаў. Яны могуць прагаласаваць за адну з 42 партый.

Канчатковы паказчык прыходу выбаршчыкаў на выбарах у бундэстаг у 2013 годзе склаў 71,5 адсотка, у 2009 годзе - 70,8 адсотка, што стала найбольш нізкім прыходам у гісторыі ФРГ.