Беларусы рыхтуюцца да Маршу абураных беларусаў 2.0

Акцыя пратэсту стане адказам на вяртанне дэкрэта №3.

Беларускі Нацыянальны Кангрэс абвясціў аб правядзенні Марша абураных беларусаў 2.0, які адбудзецца 21 кастрычніка на Кастрычніцкай плошчы Менска. Беларусы мяркуюць, што акцыя пратэсту стане адказам на вяртанне ўладамі дэкрэта аб «дармаедах»:

«Канец зімы - пачатак вясны 2017 года прайшлі пад знакам «Маршаў недармаедаў». На вуліцы выйшлі не толькі палітыкі, але і той самы просты народ. Улады саступілі часткова: выплачаны падатак шматлікім наважылі вярнуць, дэкрэт прыпыніць, але не касаваць. З сакавіка чыноўнікі працуюць над абноўленай версіяй дакумента», - напісаў у сваім «Фэйсбуку» актывіст грамадзянскай кампаніі «Еўрапейская Беларусь» Арцём Чарняк.