ЗША ўпершыню за 60 гадоў паказалі сябе, як чысты экспарцёр прыроднага газу

У 2017 годзе ЗША нарасцілі пастаўкі ЗПГ і газу ў Мексіку.

ЗША ўпершыню з 1957 года пазбавіліся ад гандлёвага дысбалансу за год, нарасціўшы экспарт звадкаванага прыроднага газу (ЗПГ) і пастаўкі газу ў Мексіку.

Чысты экспарт газу летась склаў прыблізна 0,4 млрд куб. футаў (11 млн куб. м за дзень). У 2016 годзе ў ЗША чысты імпарт газу складаў за 1,8 млрд куб. футаў (50 млн куб. м на дзень). Пра гэта паведамляе Bloomberg (пераклад - РБК) са спасылкай на аналітыка вашынгтонскай Управы энэргетычнай інфармацыі Вікторыю Зарэцкую.

«Значнае прагназаванае павелічэнне» паставак газу праз трубаправод у Мексіку і рост колькасці паставак (ЗПГ) танкерамі «павінны гарантаваць развіццё тэндэнцыі ў будучыні», паведаміла Зарэцкая. Цяпер у ЗША на экспарт працуе толькі адзін ЗПГ-тэрмінал - Sabine Pass у Луізіяне, два іншыя адкрыюцца ў 2018 годзе.

«Ніколі раней сусветны рынак ЗПГ не меў такіх значных аб'ёмаў газу, як тыя, што будуць даступныя найбліжэйшымі трыма гадамі, у асноўным з ЗША, што прывядзе да фундаментальных зменаў да ўстанаўлення коштаў і гандлю ЗПГ у свеце», - мяркуе Зарэцкая.

Управа энэргетычнай інфармацыі на сваім сайце прагназуе, што чысты экспарт газу ЗША вырасце у 2018 годзе да 2,3 млрд куб. футаў за дзень у 2018 годзе і да 4,6 млрд куб. футаў за дзень у 2019 годзе. Чакаецца, што здабыча газу ЗША вырасце на 9,3% у 2018 годзе (на 6,9 млрд куб. футаў на дзень) і на 3,2% у 2019 годзе (на 2,6 млрд куб. футаў за дзень).

У 2016 годзе ЗША таксама здолелі стаць чыстымі экспарцёрамі газу, але толькі ў лістападзе. Тады экспарт за месяц перавысіў імпарт таксама прыкладна на 11 млн куб. м на дзень.