Восем спосабаў падоўжыць жыццё да ста гадоў

Каб захаваць здароўе як мага даўжэй, трэба выпрацаваць у сябе добрыя звычкі.

Часцей за ўсё сваю маладосць і здароўе мы ўспрымаем як належнае. Але, каб захаваць здароўе як мага даўжэй, трэба выпрацаваць у сябе добрыя звычкі і пазбаўляцца ад дрэнных.

Так, гэта гучыць не надта проста, але гэта варта таго, піша healthyliving.com.ua.

Паверце, плён вашых намаганняў будзе радаваць вас цягам многіх гадоў!

1. Не пераядайце

Ёсці, калі вы не адчуваеце пачуцця голаду, - не самая найлепшая ідэя. І нават калі вы галодныя, варта абавязкова сачыць за тым, колькі вы з'елі. Пачуццё сытасці звычайна прыходзіць паступова, таму есці лепш павольна, старанна перажоўваючы ежу.

Старайцеся не спажываць больш за рэкамендаванае для вашага ўзросту, вагі, узроўню актыўнасці і колькасці калорый.

2. Складзіце для сябе разнастайны, карысны рацыён харчавання

Абавязкова ўключыце ў свой рацыён больш садавіны і гародніны. І не сумнявайцеся: чым разнастайнымі яны будуць, тым больш карысці прынясуць.

Колькасць ужывання тлушчаў павінна быць у межах ад 20% да 30% ад агульнай сумы калорый у дзень, і большасць з іх павінны паступаць з монаненасычанымі і поліненасычанымі тлушчамі. Паспрабуйце звесці да мінімуму, а лепш наогул выключыць з вашага рацыёну насычаныя, а таксама транстлушчы.

Прывучыце сябе есці больш суцэльных зерняў такіх як: авёс, буры рыс, ячмень, булгур і кіноа, і менш перапрацаваных (напрыклад, белы хлеб).

Бялок лепш за ўсё ўжываць раслінны (гэта значыць, з бабовых і розных збожжавых прадуктаў), а таксама ў выглядзе нятлустага мяса і птушкі. Аддавайце перавагу малочным прадуктам з мінімальнай тлустасцю.

3. Не праводзьце шмат часу пад прамымі сонечнымі прамянямі

Простыя правілы знаходжання на сонцы памяншаюць рызыку развіцця рака скуры, а таксама прадухіляюць з'яўленне маршчын і абвісання. Перад загарам заўсёды выкарыстоўвайце сонцаахоўны крэм з SPF 30 і вышэй для твару і іншых адкрытых участкаў цела.

4. Больш кантактуйце

Шматлікія даследаванні даводзяць, што стасункі з сябрамі і сям'ёй дапамагаюць захаваць розум вострым і гнуткім і, акрамя гэтага, памяншаюць рызыку ўзнікнення праблем з сэрцам у старасці.

5. Не злоўжывайце алкаголем

Жанчынам не рэкамендуецца піць больш за адзін куфаль алкагольнага напою ў дзень, а мужчынам варта абмежаваць спажыванне алкаголю да двух куфляў на дзень.

6. Вядзіце актыўны лад жыцця

І гэта карысна не толькі для вашай вагі. Рэгулярныя трэніроўкі памяншаюць рызыку развіцця цукровага дыябету і сэрцава-судзiнных захворванняў, а таксама паляпшаюць кагнітыўныя здольнасці чалавека.

Аптымальны час заняткаў - блізу 30 хвілін сярэдняй фізічнай актыўнасці кожны дзень, але нават самыя простыя практыкаванні прывядуць да адчувальнага выніку.

7. Не паліце

Паленне можа прывесці да раку, розных захворванняў сэрца і многіх іншых праблем са здароўем. Кінуўшы паліць, вы можаце прадухіліць далейшае пагаршэнне праблем і нават перамагчы хваробу.

8. Добра спаць

Дарослыя павінны штодня спаць ад 7 да 9 гадзін. Людзі, якія недастаткова добра спяць, рызыкуюць зарабіць дыябет, праблемы з сэрцам, атлусценне і хваробы нервовай сістэмы.

Паўнавартасны адпачынак з'яўляецца неад'емнай часткай нармальнага функцыянавання арганізма.