Адзін з падазраваных у спробе атакі ў аэрапорце Ляйпцыга — беларус

Яго знайшлі па слядах ДНК.

Адзін з падазраваных у спробе расейскай атакі на аэрапорт у Ляйпцыгу 4 жніўня — грамадзянін Беларусі. На месцы здарэння былі выяўленыя сляды яго ДНК, паведамляе «Нямецкая хваля».

Ствярджаецца, што гэты мужчына, які, паводле некаторых звестак, таксама мае расейскі пашпарт, раней ужо прыцягваўся да крымінальнай адказнасці ў краінах Балтыі. Нямецкім следчым удалося аднавіць маршрут яго ўезду і выезду, а расследаванне NDR, WDR і SZ паказала, што ён уехаў у Шэнгенскую зону па італьянскай турыстычнай візе. Праваахоўныя органы ўстанавілі, што гэты дакумент быў выдадзены напрыканцы красавіка ў італьянскім дыпламатычным прадстаўніцтве ў Мінску.

Таксама следчыя ўстанавілі асобу другога падазраванага, які мае расейскі і латвійскі пашпарты.

Раней урад Германіі звязаў дыверсію з выкарыстаннем беспілотнікаў з выбухоўкай у аэрапорце Ляйпцыга 4 жніўня з Расіяй.

Нагадаем, у аэрапорце Ляйпцыга 4 жніўня адбылася спроба дыверсіі супраць украінскага грузавога самалёта Ан-124. СМІ паведамлялі са спасылкай на даныя нямецкіх следчых органаў пра ўдзел у меркаванай атацы адразу некалькіх дронаў. Адзін з БПЛА з выбухоўкай быў знойдзены недалёка ад некалькіх украінскіх грузавых самалётаў, другі, верагодна, урэзаўся ў грузавы самалёт кампаніі DHL праз лічаныя хвіліны пасля выяўлення першага.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com